Қазақстан елшісі Берік Арын Сауд Арабиясы ақпарат министрлігінің басшысы Түрік бен Абдулла әл-Шабанамен кездесті. Бұл туралы Қазақстан Республикасы сыртқы істер министрлігі баспасөз қызметі хабарлайды.
Кездесу барысында екі мемлекет арасында ақпарат саласындағы ынтымақтастықты жандандыруға қатысты мәселелерді талқылады. Сондай-ақ, қазақстандық дипломат Сауд Арабиясының министріне біздің республикамызда ақпарат саласын дамыту,отандық және шетелдік БАҚ қызметі туралы айтты.
Осыған байланысты Қазақстан елшісі екіжақты өзара іс-қимылды дамытуға және БАҚ өкілдері арасында тікелей байланыс орнатуға бағытталған екі мемлекеттің бейінді министрліктері арасындағы ынтымақтастық туралы тиісті құжатқа қол қоюдың маңыздылығын атап өтті.
Өз кезегінде, Сауд Арабиясы ақпарат министрлігінің басшысы Қазақстанмен ақпарат саласындағы ынтымақтастыққа қызығушылық білдіріп, тиісті құжатқа қол қою туралы бастаманы қолдады. Сонымен қатар, ол біздің дипломатымызға бейінді министрліктер мен БАҚ өкілдері арасында екіжақты сапар ұйымдастыруды ұсынды.
