Қазақстанның Үндістандағы Төтенше және Өкілетті елшісі Ерлан Әлімбаев Үнді мәдени байланыстар кеңесінің басшысы Вина Сахасрабудемен екіжақты мәдени-гуманитарлық өзара іс-әрекетті кеңейтуге қатысты бірқатар мәселелерді талқылады, деп хабарлайды Қазақстан Республикасы Сыртқы істер министрлігінің баспасөз қызметі.
Қазақстандық сыртқы саясат ведомствосының ақпараты бойынша, келіссөздер барысында Қазақстан мен Үндістан арасындағы білім беру саласындағы ынтымақтастықты дамыту, атап айтқанда, екі мемлекеттің білім беру мекемелері арасындағы байланыстарды орнату мәселелері қаралды.
Сонымен қатар, келіссөздер аясында біздің республика делегациясы қатысатын халықаралық би мен музыка фестивалі мәселелеріне назар аударылды.
Кездесуде Қазақстан дипломаты сұхбаттасушысын еліміздегі алдағы іс-шаралар туралы хабардар етті. Сонымен қатар, тараптар Үндістан аумағында бірлескен мерекелік іс-шаралар өткізу мәселелерін талқылады.
