Қазақстанның Бельгиядағы төтенше және өкілетті елшісі Айгүл Құспан Бельгияда білім алып жатқан қазақстандық студенттермен кездесті.
Кездесу Қазақстан елшілігі ғимаратында өтті. Әңгіме барысында Бельгия білім беруде ең үздік шет елдердің бірі екені атап өтілді. Оның 6 университеті QS және THE рейтингтері бойынша 300 үздік ЖОО қатарына кіреді. Бүгінгі таңда бұл елде еліміздің 20-ға жуық азаматы білім алуда.
Қазақстандық студенттер алдында сөйлеген сөзінде біздің дипломат оларға Қазақстан президенті Қасым-Жомарт Тоқаевтың Қазақстан халқына жолдауының негізгі аспектілері туралы айтты.
«Жолдауда жастарға қатысты өте мықты түрткілер бар. Қазақстанның алдында жас ұрпақ шешетін маңызды міндеттер мен сын-қатерлер тұр», — деді Айгүл Құспан.
Сонымен қатар, ол студенттерді жаңа білім алып,оқуды аяқтағаннан кейін өз еліне барынша пайда келтіру үшін жоғары білікті маман болуға ұмтылуға шақырды.
«Студенттер елшіліктің мәдени іс-шараларына қатысады, біз оларды ұмытпаймыз және олардың үміттері туралы білеміз. Мұндай кездесулер оларға жиналып, бір-бірімен қарым-қатынас жасауға мүмкіндік береді», — деді Құспан.
Сонымен қатар, кездесу барысында ол биылғы жылы қазақстандық студенттер Еуропалық парламентке барып, онда жас еуропалық депутаттармен кездеседі.
Әңгіме барысында жастар отандық дипломаттармен кездесіп, университетте білім алу мәселелерін талқылауға, сондай-ақ Қазақстан-Еуропа қарым-қатынастары туралы көбірек білуге мүмкіндік алды.
