Қазақстан Республикасының Беларусь Республикасындағы Төтенше және Өкілетті Елшісі Асқар Бейсенбаев Беларусь sb.by ресурсына берген сұхбатында қазақстандық тарап Беларусь Республикасының Президенті Александр Лукашенконың Еуразиялық интеграция идеяларын ілгерілетудегі белсенді ұстанымы үшін ризашылығын білдірді.
“2020 жыл қиын болды. Коронавирус пандемиясымен және оның салдарымен байланысты оқиғалар Еуразиялық бестікке мүше елдер үшін де, жалпы ЕАЭО үшін де сын-тегеурінге айналды. Біз Беларуське оның Президентінің одаққа қатысушы мемлекеттердің мүдделерін қоса атқаратын Еуразиялық интеграция процестерін дамыту мен тереңдету жөніндегі мақсаттар мен міндеттерді ілгерілету ісіндегі белсенді ұстанымы үшін алғысымызды білдіреміз. Беларусь Республикасы 2020 жыл ішінде ЕАЭО – ға төрағалықты табысты жүзеге асырғанын атап өткім келеді”, – деді дипломат.
Бейсенбаевтың айтуынша, бес мемлекет күш біріктіріп, өңірлік және жаһандық сын-қатерлерді еңсеруге жалпы қызметін бағыттады. ЕАЭО-ға мүше елдер бірлік пен ынтымақты көрсетті. Сонымен қатар, осы елдер азаматтарының денсаулығы мен қауіпсіздігін қамтамасыз етуге бағытталған маңызды шешімдер жедел қабылданды, деді ол.
Елші өткен жылы ЕАЭО-ға қатысушы мемлекеттер бір-бірімен тығыз өзара байланыста және ЕЭК-пен үйлестіруде 4 еркіндікті қамтамасыз ету жолында үлкен жұмыс атқарғанын атап өтті. Елдер тауар ағындарын сақтай алды. Еуразиялық экономикалық интеграцияны дамытудың 2025 жылға дейінгі стратегиялық бағыттары жобасын қаржыландыру өңірлік бірлестікке мүше елдердің бірлескен жұмысының маңызды қорытындысы болды.
“Стратегия одақты әлемнің жетекші экономикаларының бестігіне шығару сияқты өршіл міндет қоя отырып, одақты одан әрі дамыту перспективаларын айқындады”, – деп мәлімдеді ол.
Дипломат сондай-ақ келесі жылы Еуразиялық экономикалық одаққа Қазақстан Республикасы төрағалық ететінін еске салды.
Сурет: sb.by
