Қазақстанның Әзірбайжан Республикасындағы Төтенше және Өкілетті Елшісі Сержан Әбдікәрімов Әзербайжан астанасынан 70 шақырым жерде орналасқан Баку халықаралық теңіз сауда портында болды. Бұл туралы Қазақстан Республикасы сыртқы істер министрлігінің баспасөз қызметі
хабарлайды.
Сапар барысында қазақстандық дипломат халықаралық ынтымақтастық және қоғаммен байланыс басқармасының басшысы Заур Гасановпен екіжақты кездесу өткізді.
Кездесуде қазақстандық елші жоғарыда көрсетілген теңіз портының қызметі мен негізгі жұмыс қағидаттары туралы хабардар болды. Сонымен қатар, Гасанов дипломатқа экологияны жақсарту саласындағы іске асырылып жатқан жобалар туралы айтты.
Қазақстан Сыртқы істер министрлігінің ақпаратына сәйкес, кездесуде Қазақстан мен Әзірбайжанның транзиттік-көлік әлеуетін күшейтуге қатысты мәселелерге де назар аударылды.
Сонымен қатар, Сержан Әбдікәрімов сапары аясында халықаралық сауда теңіз портының инфрақұрылыммен танысты.
Сурет: mfa.gov.kz
