Ашхабадта Қазақстан Республикасының Түрікменстандағы Төтенше және Өкілетті Елшісі Еркебұлан Сәпиевтің келесі жылдың 10 қаңтарында өтетін алдағы парламенттік сайлауға арналған медиабрифингі өтті. Бұл туралы Қазақстан елшілігінің баспасөз қызметі хабарлады.
«Йылдыз» қонақ үйінде өткен іс-шараға Түркіменстан астанасында аккредиттелген дипломатиялық миссиялар мен халықаралық ұйымдардың, сондай-ақ осы республиканың БАҚ және шетелдік агенттіктердің өкілдері қатысты.
Брифинг барысында қазақстандық елші Қазақстанның сайлау жүйесіне, Парламенттің құрылымы мен жұмысына егжей-тегжейлі тоқталып, алдағы Мәжіліс сайлауы туралы әңгімеледі.
Медиабрифингке қатысушыларды Қазақстанның саяси саласында жүргізілген соңғы реформалар туралы егжей-тегжейлі хабардар етті. Атап айтқанда, партияларды тіркеу кезінде шекті 2 есеге төмендету, бейбіт жиналыстарды ұйымдастыру және өткізу тәртібі туралы Заңға түзетулерді бекіту, парламенттік оппозиция институтын құру және т. б.
Еркебұлан Сәпиев сондай-ақ осы кезеңде тіркелген 14 мемлекет пен төрт халықаралық ұйымның бақылаушылар миссиясы туралы хабарлады.
Сонымен қатар, Елші іс-шараға қатысушыларды шетелде жұмыс істейтін сайлау учаскелері туралы хабардар етті. Атап айтқанда, Қазақстан Республикасының Түрікменстандағы елшілігінде №266 учаскенің ашылуы туралы, онда осы республиканың барлық азаматтары Парламенттің төменгі палатасына тағайындалған дауыс беру күні дауыс бере алады.
