Қырғызстанның өнеркәсіп, энергетика және жер қойнауын пайдалану мемлекеттік комитетінің басшысы Жырғалбек Сағынбаевтың мәлімдеуі бойынша, көрші ел біздің республикадан электр энергиясын ала бастады, деп хабарлайды knews.kg ақпарат ресурсы.
Келісімге сәйкес, Қазақстан Қырғызстан тарапына сағатына 500 миллион киловатт көлемінде электр энергиясын импорттайды. Қырғызстан басшылығы бұл құжатты су тапшылығы бар Тоқтоғұл су электр станциясындағы суды сақтау мақсатында бекітті.
«Менің ойымша, осы кезеңде бізге электр энергиясын сатып алу қажет. Неліктен? Біз көрші болғандықтан, оларға қиын кезде электр қуатын береміз, ал бізде электр қуаты жеткіліксіз болғанда, олардан сатып аламыз», — деді Сағынбаев.
Бұған дейін біздің еліміз Қырғыз Республикасына коронавирус індетімен күресте көрші мемлекеттің халқына көмектесу үшін гуманитарлық жүк жіберуге ниетті екендігі туралы хабарланған болатын. Бұл туралы Қазақстан Үкіметі айтты.
Гуманитарлық көмек құрамына өкпені жасанды желдетудің 400 мобильді аппараты, сондай-ақ қазақстандық кәсіпорындарда дайындалған екі миллион медициналық бетперде кіреді.
Сурет: zakon.kz
