Қазақстан Республикасы Аэроғарыш комитетінің басшысы Баубек Оралмағамбетов елімізде ЕАЭО-ға қатысушы елдермен бірлесіп жерді қашықтықтан зондтау спутниктерінің орбиталық тобын іске қосу жоспарын қарастыратынын айтты. Бұл туралы “Интерфакс” хабарлады.
“ЕАЭО аясында жерді қашықтықтан зондтау спутниктерінің орбиталық тобын ұсыну жоспары бар. Өздеріңіз білетіндей, біз ғарыштық ғылыми-технологиялық бағыттағы жүйені құру барысында 2 Жер серігі ұшырылды, оның 1-уі KazSTSat 2018 жылдың желтоқсанында іске қосылды. Ол жақсы жұмыс көрсетеді. Ұшу тарихын алып, осы шешімдерді жақсартып, біз одақтың Мемлекетаралық бағдарламасы аясында орбиталық топтың 3 спутнигін ұшыруды ұсынамыз”, – деп түсіндірді Оралмағамбетов.
Оның айтуынша, бұл бастама 2017-2018 жылдары жоба ретінде жоғары кеңес деңгейінде мақұлданды. Қазіргі уақытта бағдарлама мемлекеттік органдармен келісуден өтуде.
Оралмағамбетов сондай-ақ бұл жобаның жүзеге асырылуы спутниктерден түсірілімнің кезеңділігін арттыруға мүмкіндік беретінін айтты.
“Осындай тәсілмен біз ЕАЭО аумағын жақсы кезеңділікпен жабамыз, соның негізінде ауыл шаруашылығы, экология, су, қоқыс төгетін жерлер және басқа да мәселелер бойынша өте жақсы шешімдер жасауға болады”, – деп толықтырды”Қазғарыштың” төрағасы.
Сурет: yandex.ua
