Қазақстан Республикасы Парламенті Сенатының депутаттары жалпы отырыс барысында Еуразиялық экономикалық одақ пен Қытай шекарасы арқылы өтетін халықаралық тасымал тауарлары мен көлігі туралы мәліметтермен алмасу туралы заңды мақұлдады. Бұл туралы zakon.kz жаңалықтар ресурсы хабарлайды.
Мұндай келісімге өткен жылдың 6 маусымында Петербург Халықаралық экономикалық форумының басында ЕЭК Алқасының Төрағасы, ЕЭО қатысушы елдердің вице-премьерлері, сондай-ақ Қытай СІМ басшысы қол қойды.
Келісімнің тармақтары ақпарат алмасудың басты кезеңдерін, тараптардың өзара байланыс тетігін және ақпараттың көлемі мен құрамына қойылатын талаптарды қамтиды. Мәліметтермен өзара алмасуды жеке пайдалануға арналған жеке тұлғалардың тауарларынан басқа, сыртқы экономикалық қызметке қатысушылардың экспорттық транзиттік декларациялары арқылы жүзеге асыру жоспарланып отыр.
Деректер алмасу ЕЭО интеграцияланған ақпараттық жүйесін және ҚХР уәкілетті органының ақпараттық жүйесін пайдалана отырып, көлік құралдарының барлық түрлері бойынша электрондық форматта жүргізілетін болады.
Деректермен алмасу кедендік операцияларды жүзеге асыруды жеделдетуге, тәуекелдерді басқару жүйелерінің тиімділігін жақсарту үшін алынған ақпаратты пайдалануға, сондай-ақ кедендік бақылаудан жалтару фактілерін анықтауға мүмкіндік береді деп күтілуде.
Бұдан басқа, қауіпсіздікті қамтамасыз ету үшін екі тараптың кедендік аумағына әлеуетті қауіпті, тыйым салынған және шектелген өнімдерді әкелуге қатысты тәуекелдер төмендетілетін болады.
Сурет: zakon.kz
