Алматыда өткен Еуразиялық үкіметаралық кеңестің отырысында Қазақстан тарабы транзиттік жүк тасымалына қатысты ұсыныс жасады. Бұл туралы Қазақстан Республикасы Қаржы министрлігінің баспасөз қызметі хабарлайды.
Осылайша, біздің республика серіктестерге одақ бойынша транзиттік жүк машиналарына тауарларды ЕАЭО кеңістігінде өткізуді қадағалауға мүмкіндік беретін спутниктік навигациялық бітемелер орнатуды ұсынды.
Сонымен қатар, Қазақстан тарабы одақ бойынша жүк тасымалын нақты бақылау мақсатында тауарға ілеспе құжаттардың деректері бойынша онлайн-режимде ақпарат алмасуды ұсынды.
Бұдан басқа, ЕАЭО-ға тауарлардың кедендік транзитінің бірыңғай жүйесін дамытуға бағытталған жол картасы бекітілді.
Жалпы алғанда, Еуразиялық үкіметаралық кеңес отырысында сауда-экономикалық ынтымақтастықты нығайтуға, экономиканың жекелеген салаларындағы интеграциялық әлеуетті дамытуға, сондай-ақ ЕАЭО ішкі нарығындағы кедергілерді жоюға қатысты 14 мәселе қаралды.
