Қазақстан елшісі Сержан Әбдікәрім Әзірбайжанның шағын және орта бизнесті дамыту агенттігінің басқарма басшысы Орган Мамедовпен кездесу өткізіп, Ulttyq Onim-2020 ұлттық өнімдерінің көрмесі мәселелерін талқыланды.
Кездесу барысында қазақстандық дипломат Әзірбайжан Республикасының компаниялары Нұр-Сұлтанда өтетін осы көрмеге қатысуды, оған өздерінің экспорттық тауарларын ұсынуды жоспарлап отырғанынан хабардар болды.
Кездесуде екі мемлекет арасындағы тауар айналымының көлеміне байланысты мәселелерге назар аударылды. Сонымен қатар, тараптар ынтымақтастықты дамытудың негізгі перспективалы бағыттарын қарастырды.
Сондай-ақ Қазақстанның Әзірбайжандағы Төтенше және Өкілетті Елшісі сұхбаттасушысына республикамызда «ашық аспан» режимін енгізу туралы айтты. Әбдікәрімнің пікірінше, осының арқасында біздің елімізде тікелей және транзиттік жолаушылар ағыны ұлғайтылатын болады.
Кездесу соңында қатысушылары алдағы іс-шаралар жоспарына қатысты мәселелерді талқылады, сондай-ақ екі елдің нарықтарында экспорттық тауарларды алға бастыруға бағытталған бірлескен жобалар қаралды.
Сурет: Inform.kz
