Мәскеуде Жеңіс шеруіне қатысқан республикамыздың десантшылары елге оралды, деп хабарлайды Қазақстан қорғаныс ведомствосының баспасөз қызметі.
Қорғаныс министрлігінде әскери парадта Қазақстанның әскери қызметшілері 36-шы десанттық-шабуылдау бригадасының командирі подполковник Ұлан Нұрғазиевпен бірге Қызыл алаңда салтанатты маршпен өткенін айтты.
Сонымен қатар, қорғаныс ведомствосында Ұлы Жеңістің мерейтойына арналған әскери шеруге қатысу біздің еліміздің әскери қызметкерлері үшін ерекше маңызды екенін атап өтті, өйткені бұл өз Отаны үшін неміс-фашистік басқыншылармен соғысқан адамдарға алғыс білдіру және оларға құрмет көрсету мүмкіндігі.
Қазақстан Республикасының әскери қызметкерлерінен басқа, Қызыл алаңда Жеңіс шеруіне Ресей Федерациясы, Әзірбайжан, Қырғызстан, Армения, Беларусь, Үндістан, Қытай, Молдова, Моңғолия, Сербия, Тәжікстан, Түрікменстан және Өзбекстан әскери қызметшілері де қатысты.
Қорғаныс министрлігінде десанттарды әскери парадқа қатысуға дайындау барлық белгіленген карантиндік талаптарды сақтай отырып, бір айдан астам уақытқа созылғанын атап өтті.
Ұлы Отан соғысы Жеңісінің 75 жылдығына арналған шеру 24 маусымда Мәскеуде өтті. Оған құрметті қонақ ретінде Ресей басшысы Владимир Путиннің шақыруымен еліміздің басшысы Қасым-Жомарт Тоқаев қатысты.
Сурет: gov.kz
