Желіде Алматылық дәрігер Ирина Акижанова жариялаған бейнеролик пайда болды, онда ол шектеу шараларының қажеттілігіне күмән келтіріп, коронавирус төңірегіндегі жағдайды фарс атады, деп хабарлайды ktk.kz ақпарат арнасы.
Алматы дәрігерінің мұндай пікіріне Қазақстан Республикасы Денсаулық сақтау министрінің орынбасары Ләззат Ақтаева түсініктеме берді.
Вице-министр карантиндік режим мен өзін-өзі оқшаулау коронавирусты жұқтыру қаупін төмендету үшін қажет деп мәлімдеді. Және де ұзақ уақыт үйде отыруы қиын адамдарға Қазақстанда психологиялық қолдаудың шұғыл желісі жұмыс істейді.
“Фарс туралы. Сіз бұрын кездескен кезде қозғалуға қиыншылықтары бар балаларға қалай көмектесуге болатынын айтқансыз, мен және әріптестерім сізге ортопедия маманы ретінде сенген болатынбыз. Бұл бейнеде өкпеқапты тесетінін айтқаныңызда, сіз заңнаманы бұзғаныңызға сенбедік, өйткені бұл технология басқа бағыт маманынікі. Сізде мамандық сертификаты бар деп үміттенемін”, – деді Ләззат Ақтаева.
Соңғы мәліметтерге сәйкес, Қазақстан Республикасында коронавирустық инфекцияны жұқтырудың 2334 оқиғасы ресми түрде тіркелді, бұл ретте олардың басым бөлігі – 764 оқиға Алматыда анықталды.
Сурет: zakon.kz
