Қазақстандық тауарлар мен қызметтердің сапасы мен қауіпсіздігін бақылау комитетінің басшысы Тимур Сұлтанғазиев медицина қызметкерлерінің COVID-19 жұқтыруының себебін түсіндірді. Бұл туралы ҚР Денсаулық сақтау министрлігінің баспасөз қызметі хабарлайды.
Тимур Сұлтанғазиев статистикаға сәйкес, инфекциялық стационарларда жұмыс істейтін медицина қызметкерлері басқа медициналық мекемелердегі әріптестеріне қарағанда коронавирус ауруына азырақ шалдығатынын айтты.
Мұның себебі ауруханалардың инфрақұрылымы аймақтарға жақсы бөлінгендіктен. Оның үстіне медицина қызметкерлері үнемі жеке қорғану құралдарын пайдаланады.
“Емханаларда келгендерді аймақтарға бөлу өте қиын. Халықтың саны көп, вирустық жүктеме үлкен, ондағы қызметкерлер тәулік бойы жұмыс істеп, сондағы ауаны жұтады”, – деп түсіндірді Сұлтанғазиев.
Сондай-ақ, Денсаулық сақтау министрлігінің өкілі бүгінгі таңда Қазақстанда 820 дәрігер СОVID-19 жұқтырғанын хабарлады. Олардың негізгі бөлігі орта және кіші медицина қызметкерлері.
Қазақстан Республикасында коронавирустық инфекцияны жұқтырудың 2791 жағдайы тіркелді, бұл ретте індетке қарсы күреске бағытталған барлық шаралар жасалуда.
Сурет: caravan.kz
