Қазақстан халқы Ассамблеясының делегациясы Халықаралық қарым-қатынас тәжірибесін зерттеу мақсатында Әзірбайжан Республикасына ресми сапармен келеді. Бұл туралы ҚХА баспасөз қызметі хабарлады.
Ресми сапары аясында қазақстандық делегация мүшелері диаспорамен жұмыс жөніндегі мемлекеттік Комитетте болып, оның басшысы Фуад Мурадовпен кездесті.
Кездесу барысында комитет басшысы екі мемлекеттің көшбасшыларының, бай тарихы бар, Қазақстан-Әзірбайжан қарым-қатынастарын дамытудағы еңбегін жоғары бағалады.
Кездесуде Қазақстан тарапына Әзірбайжан Республикасы диаспорасының саясаты, сондай-ақ осы елде соңғы жылдары іске асырылып жатқан ірі жобалар мен бағдарламалар туралы ақпарат берілді.
Сондай-ақ, кездесу аясында қазіргі таңда 200 мыңнан астам Әзірбайжан азаматы Қазақстанда өмір сүріп жатқанына назар аударылды. Осыған байланысты біздің республикамызда Әзірбайжан жұртшылығымен сапалы жұмыс жасау қажеттілігі туындады.
Сонымен қатар, тараптар Қазақстан Республикасындағы Әзірбайжан диаспорасы ұйымдарының жөнінде пікір алмасып, байланыстар мен өзара іс-әрекетті одан әрі нығайту мәселелерін талқылады.
Сурет: trend.az
