Қазақстандық “Республикалық ғарыштық байланысы орталығының” делегациясы жұмыс сапарымен Түркияның Turkish Aerospace жетекші аэроғарыш компаниясында болып, оның қызметімен танысты .
Атап айтқанда, Қазақстандық Ұлттық ғарыш операторы өкілдері жұмыс сапарында ғарыш техникасының конструкторлық бюросын және түрік компаниясының ғарыш аппараттарының құрастыру-сынау кешенін көрді.
Сондай-ақ, Қазақстан делегациясын Turkish Aerospace компаниясы 1984 жылы құрылғаны туралы хабардар етті. Қазір ол ұшақтарды, тікұшақтарды, ұшқышсыз ұшу аппараттарын, ғарыштық жүйелер мен аэроқұрылымдарды шығарады.
Кездесу барысында Қазақстан делегациясы және ғарыш саласындағы түрік мамандары “Республикалық ғарыштық байланыс орталығының” перспективалық жобаларын жүзеге асырудағы ынтымақтастық мәселелерін қарастырды.
Осы кездесуден кейін “Республикалық ғарыштық байланыс орталығы” басқарма басшысының ғарыш спутниктік жүйесін пайдалану мәселелері жөніндегі орынбасары Шоқан Свогузов түрік тарапында ғарыш саласында жеткілікті тәжірибе бар екенін атап өтті. Оның айтуынша, Түрік әріптестермен ынтымақтастық пайдалы болады.
Сурет: inform.kz
