Қазақстан делегациясы Женевада өткен БҰҰ адам құқықтары жөніндегі Кеңесінің әмбебап кезеңдік шолуының кезекті сессиясында адам құқықтарын қорғау саласындағы халықаралық міндеттемелердің орындалуы туралы баяндамасын ұсынды.
Қазақстан тарапынан жоғарыда аталған сессияға Президент әкімшілігінің, жоғарғы соттың, бас прокуратураның және бірқатар отандық министрліктер мен ведомстволардың өкілдері қатысты.
Қазақстан Республикасы Әділет министрлігінің басшысы Марат Бекетаев сессияға қатысушылардың алдында сөйлеген сөзінде Президент Тоқаевтың азаматтық қоғаммен сындарлы диалогқа дайын «еститін» мемлекет құруға бейілділігіне баса назар аударды.
Өз кезегінде БҰҰ-ға мүше елдердің делегациялары біздің республиканың заңнамалық, сот, әкімшілік реформалардағы прогресін, сондай-ақ этносаралық келісімді сақтау мен адам құқықтары жөніндегі негізгі халықаралық құжаттардың қағидаттарын енгізудегі прогресін жоғары бағалады.
Сонымен қатар, Қазақстан Әділет министрі төрт жыл бұрын жасалған баяндамадан бері біздің еліміз БҰҰ-ның адам құқықтары жөніндегі екі конвенциясын ратификациялағанын атап өтті.
«Сондай-ақ, барлық мемлекеттер Президенттің «еститін» мемлекетті құру мен дамыту жөніндегі жаңа бастамаларын атап өтті. 90-нан астам ел сөйлеуге жазылды, олардың көпшілігі Қазақстанның оң жетістіктерін атап өтті және олардың ұсыныстары сындарлы түрде берілді», — деді Марат Бекетаев.
