Татарстан астанасында “Қарашығанақ Петролиум Оперейтинг Б. В.” (КПО) компаниясы жабдық импорттын алмамтыруды дамыту тәжірибесімен танысты. Бұл туралы компанияның баспасөз қызметі хабарлайды.
“КПО компаниясының бас директоры Эдвин Блом бастаған делегация Татарстан Республикасының астанасы Қазан қаласына барды. Сапар Батыс Қазақстан облысының әкімдігі және “PSA” ЖШС өкілетті органымен бірлесе отырып, өзара іс-қимыл мен ынтымақтастықты дамыту аясында,Татарстан Республикасының мұнай-газ өнеркәсібінің жабдықтар өндірісі импортын алмастыруды дамыту тәжірибесімен танысу мақсатында ұйымдастырылды”,-делінген сәрсенбі күні хабарламада.
Сапар барысында инвестициялық даму агенттігінің, сондай-ақ Татарстан өнеркәсіп және сауда министрлігінің жоғары лауазымды өкілдерімен бірқатар кездесулер өтті.
Эдвин Блом өз сөзінде кездесуге қатысушыларға компанияның қызметі, оның Қазақстанның мұнай-газ өнеркәсібіндегі рөлі, сондай-ақ бағдарламалар мен болашақ жобалар туралы айтты.
Ол КПО жергілікті және шетелдік өндірушілер арасындағы ынтымақтастықты нығайтуға ықпал ететін отандық тауар өндірушілер мен жеткізушілерді белсенді түрде қолдайды деп мәлімдеді.
“Сапар аясында, тәжірибе алмасу үшін КПО делегациясы экономикалық аймақты дамыту тәжірибесімен және мұнай-газ өнеркәсібі үшін жабдықтар шығаратын кәсіпорындардың өндірістік – техникалық әлеуетімен танысу мақсатында “Алабұға” ерекше экономикалық аймағында орналасқан Татарстан Республикасының кейбір ірі кәсіпорындары мен зауыттарына барды”, – делінген хабарламада.
Кездесу соңында Блом инвестициялық даму агенттігі мен Татарстан өнеркәсіп және сауда министрлігіне табыс тіледі.
Сурет: Kaztag.info
