Ресей Федерациясы Үкіметі басшысының орынбасары Татьяна Голикова, Қазақстанға басымдықты тәртіппен жеткізілетін COVID-19-ға қарсы ресейлік вакцинаның өнеркәсіптік өндірісі қашан іске қосылатынын айтты, деп хабарлайды zakon.kz ақпарат ресурсы.
Ресей вице-премьерінің айтуынша, коронавирус инфекциясына қарсы вакцина өндірісін бастау осы жылдың қыркүйек айына жоспарланған.
Сонымен қатар, Татьяна Голикова қазіргі уақытта Ресейдегі ең перспективалы вакциналар Гамалея орталығы мен «Вектор» әзірлеген вакциналар екенін баса атап өтті.
Ұлттық әл-ауқат қорының басшысы Кирилл Дмитриев те коронавирусқа қарсы ресейлік препаратты өндірудің басталуы туралы айтты. Оның айтуынша, Ресей ғалымдары бірінші болуды емес, адамдарды қорғауды ойлауда.
Бұған дейін Қазақстан Республикасының Денсаулық сақтау министрі Алексей Цой, біздің еліміздің ДСМ өкілдері Ресей тарабымен келіссөз жүргізіп, коронавирусқа қарсы вакцинаны жеткізуге келіскенін айтқан болатын.
Бүгінгі таңда біздің республикамызда коронавирус инфекциясының 89078 жағдайы расталды. Қазақстанда вирустан емделген адамдар саны 59517.
Сурет: rus.azattyq-ruhy.kz
