Еліміздің ақпарат министрлігінің басшысы Аида Балаева Қазақстан басшылығы БАҚ-ты салық төлеуден босату туралы шешім қабылдағанын мәлімдеді, деп хабарлайды tengrinews.kz жаңалықтар ресурсы.
Бұл мәлімдемені Мининформа басшысы бүгінгі халық алдында есеп беру кездесуінде жасады. Оның айтуынша, БАҚ-қа қолдау көрсету туралы шешімді баспасөз жарнамадан түскен табыстың шамамен 60%-ынан айырып қалуы мүмкін болғандықтан қабылданды.
Сонымен қатар, ол бұқаралық ақпарат құралдары салық және міндетті аударымдардан биылғы жылдың 1 қазанына дейін босатылғанын нақтылап айтты.
Сондай-ақ, брифинг аясында Балаева Қазақстан Парламенті коммерциялық телеарналар мен радиоарналарды аналогтық және эфирлік цифрлық телерадио хабарларын тарату қызметтеріне ағымдағы жылдың 31 желтоқсанына дейін ақы төлеуден босатуды қарастыратын заң жобасын мақұлдағанын атап өтті.
Бұған дейін Қазақстанның ақпарат министрі мемлекет отандық БАҚ-қа карантиннен кейінгі кезеңде, соның ішінде салық төлеуден босату арқылы қолдау көрсететінін айтқан.
Сурет: ukrinform.ru
