Қазақстан астанасында 200-ден астам адам қатысып жатқан Қазақстан-Беларусь бизнес-форумы өтуде. Бұл туралы Каzakh Invest елдік менеджері Бақытбек Қабжанов хабарлады.
Оның айтуынша, бұл іс-шараны Қазақстан Республикасы мен Беларусь Республикасының Сыртқы сауда палаталары ұйымдастырды. Сонымен қатар, Бақытбек Қабжанов осы форумның қорытындысы бойынша шамамен 75 миллион доллар сомаға 15 құжатқа қол қою жоспарланып отырғанын айтты.
Каzakh Invest өкілі Қазақстан мен Беларусь арасындағы ынтымақтастықтың перспективалық бағыттары туралы айтты. Ол ауыл шаруашылығы машиналарын жасау, жеңіл өнеркәсіп, тамақ өнеркәсібі және фармацевтика деп санайды.
Сонымен қатар, бизнес-форум аясында Беларусьтің жетекші компанияларымен, соның ішінде Минск трактор зауытының, Белаз холдингінің және Минск медициналық препараттар зауытының өкілдерімен келіссөздер жүргізілуде.
Қазақстан мен Беларусь арасындағы ынтымақтастық туралы айта келе, Бақытбек Қабжанов екі мемлекеттің қарым-қатынасы барлық бағыттар бойынша дамып келе жатқанын және даму серпіні бар екенін атап өтті.
“Инвестициялар саласындағы қатынастар жоғары деңгейге көтерілді. Бүгінгі іс-шара сауда-экономикалық ынтымақтастықты дамытуға серпін береді және біздің мемлекеттеріміздің іскер топтарына әріптестікке жаңа мүмкіндіктерін береді деп ойлаймын. Қазақстан машина жасау, жеңіл өнеркәсіп саласында инвестицияларды күтуде, өйткені құжаттарға қол қойылады.Форум бұрыннан талқыланып, екі елдің бизнес-делегацияларымен кездесіп, бүгінде жақсы бітімдер мен келісімдерге қол қоюға дайын екендіктерін жеткізді”, – деді ол.
