Бүгін, Қазақстан Президенті Қасым-Жомарт Тоқаев жұмыспен қамту және еңбек мәселелері бойынша кеңес өткізді, деп хабарлайды «Қазақпарат» ақпараттық агенттігі.
Жұмыспен қамту және еңбек мәселелері жөніндегі Кеңеске Парламент депутаттары, Үкімет мүшелері, қоғамдық ұйымдардың өкілдері, инвесторлар мен ірі компаниялардың басшылары қатысты.
Кеңесте Қасым-Жомарт Тоқаев алдағы уақытта шешуге ниетті қойылған міндеттерімен бөлісті.
Тоқаевтың бірінші міндет — еңбек нарығының қажеттіліктеріне сәйкес кадрлар даярлау.
«Төртінші өнеркәсіптік революция мүлдем жаңа кәсіптердің пайда болуына түрткі болады. Бүгінде білім өте тез ескіреді, сондықтан жаһандық тренд кәсіби құзыретті кадрларды даярлау. Үкімет неғұрлым сұранысқа ие мамандықтар бойынша білім беру бағдарламаларын кешенді жаңартуды қамтамасыз етуі қажет», – деді Қазақстан Президенті.
Тоқаевтың екінші міндеті — сапалы жұмыс орындарын құру.
«Бүгін елімізде салынған жұмыс орындарының көпшілігі қысқа мерзімді сипатқа ие. Бұл халықтың тиімді жұмыспен қамтылуын қамтамасыз етпейді,біраз уақытқа ғана еңбек нарығын тұрақтандырады. Сондықтан біз, ең алдымен, өңдеуші өнеркәсіп, ауыл шаруашылығы, туризм, қызмет көрсету саласы, ақпараттық технологиялар сияқты кадрлар жетіспейтін секторларда тұрақты жұмыс орындарын құруымыз керек «, – деді Қазақстан Президенті.
Тоқаевтың үшінші міндеті — жұмыспен қамтуды жаңа нысандармен қамтамасыз ету.
«Еңбек шарты, кәсіподақтар, демалыс, сырқат парақшасы сияқты еңбек нарығында,бұрынғыдй емес, маңызы жойылып барады. Фрилансерлердің, аутстаффердердің және басқалардың саны артады. Осыған байланысты бізге жұмыспен қамтудың жаңа нысандарын нормативтік реттеуді көздеу қажет», – деді Қазақстан Президенті.
Тоқаевтың төртінші міндеті — жастарды жұмыспен қамту.
«Мамандық бойынша жұмысқа орналасқандар саны 50%-дан аз ғана жоғары . «Жасыл ел», «Дипломмен ауылға», «Серпін», «Жастар – Ел тірегі», «Жастар тәжірибесі»сияқты бағдарламаларымыздың тиімділігін арттыру қажет. Олардың қайсысы жұмыс істейді, қайсысы іске асырылмайды? Оларды қайта қарау қажет. Бұл мәселені тұрақты бақылауда ұстау керек», – деді Қасым-Жомарт Тоқаев.
Тоқаевтың бесінші міндеті – жұмыспен қамту саясатын инклюзивтілікпен қамтамасыз ету.
«Бүгін Қазақстанда еңбекке қабілетті жастағы мүмкіндігі шектеулі адамдардың жалпы саны 410 мың адамды құрайды. Олардың жартысы қалыпты еңбек жағдайында жұмыс істей алмайды. 120 мың адам жұмысқа орналасуды қажет етеді», — деп атап өтті Қазақстан Президенті.
Тоқаевтың алтыншы міндеті – еңбек ұтқырлығын арттыру.
«Бұл мәселені шешуге кешенді тәсіл қажет, шенеуніктерге емес, адамдарға ыңғайлы құралдар қажет.Үкіметке, әкімдермен бірлесіп, еңбек ұтқырлығын арттырудың қосымша тиімді механизмдерін әзірлеуді тапсырамын», — деді Қасым-Жосарт Тоқаев.
Тоқаевтың жетінші мақсаты- гендерлік теңдікті нығайту.
«Біз әйелдердің еңбек құқықтарын үнемі қорғауымыз керек. Әйелдердің мемлекеттік басқарудың барлық деңгейлерінде және корпоративтік секторда болуын қамтамасыз ету шаралар кешенін әзірлеу қажет », — деді Қасым-Жомарт Тоқаев.
Сурет: inform.kz
