Қазақстан Республикасының Президенті Қасым-Жомарт Тоқаев Қызылорда облысына жасаған сапары барысында Байқоңырды тиімді дамыту мәселесін қарап, жергілікті үкіметке қысқа мерзімде арнайы экономикалық аймақ құруды тапсырды.
«Ғарыш айлағының ауқымы мен бірегейлігі бізге озық компаниялар мен перспективалы технологиялық стартаптармен жұмыс істеуге тамаша мүмкіндік береді», – деп мәлімдеді Қасым-Жомарт Тоқаев.
Сондай-ақ, республика басшысы Байқоңыр қаласының инфрақұрылымын жаңғырту жұмыстары басталғанын атап өтті.
«30 жыл ішінде мұнда алғаш рет көпқабатты үйлер мен медициналық орталық салынды. Бес мектеп қазақстандық стандарт бойынша оқуға көшті. Коммуналдық желілерді жөндеу, алты тұрғын үй мен мектеп салу жоспарлануда», — деді Тоқаев.
Қазақстан Ресейге Байқоңырда 2018 жылдың тамыз айында АЭА құруды ұсынғанын айта кету керек.
«Қалай аталса да,бұл арнайы экономикалық аймақ немесе Ресейде айтылатындай, озыңқы даму аумағы. Ең бастысы – қалаға өз жобасымен келетін инвестордың бизнес ашу және оны дамыту үшін бірқатар преференциялары болуы тиіс», — деді Қызылорда облысы әкімінің орынбасары Серік Қожаниязов
Сурет: iz. ru
