БҰҰ штаб-пәтерінде ұйымның Қауіпсіздік Кеңесіне сайланған елдердің туын орнатудың ресми рәсімі өтті. Іс-шараны БҰҰ жанындағы біздің республика өкілдігі ұйымдастырды, деп хабарлайды Қазақстан СІМ-нің баспасөз қызметі.
Қазақстан дипломатиялық ведомствосының ақпаратына сәйкес, БҰҰ Қауіпсіздік Кеңесінің жаңа тұрақты емес мүшелері Вьетнам, Эстония, Тунис, Сент-Винсент және Гренадин, сондай-ақ Нигер Республикасы болды.
Қазақстан тарапынан іс-шараға БҰҰ жанындағы біздің мемлекетіміздің тұрақты өкілі Қайрат Омаров қатысты, ол осындай іс-шараларды өткізу дәстүрі 2018 жылдың қаңтарында қалалғанын айтты.
Сондай-ақ, іс-шараға қатысушылар алдында сөз сөйлеген Қайрат Омаров, бұл шараның басты мақсаты жаһандық бейбітшілік пен тұрақтылықты қолдауға қатысты жауапты міндеттерді орындау үшін халықаралық қауымдастықтың мандатын мойындау екенін атап өтті.
Қазақстан Сыртқы істер министрлігінің ақпараты бойынша, рәсімге БҰҰ Қауіпсіздік Кеңесіне мүше жаңа тұрақты емес елдердің елшілері қатысып, сөздерінде іс-шараны ұйымдастырғаны үшін Қазақстан Республикасына алғыс білдірді.
Сурет: mfa.gov.kz
