«Қазақтелеком» Қазақстан телекоммуникация компаниясының басшысы Қуанышбек Есекеев біздің республикамызда 5G жоғары жылдамдықты интернетті енгізу барысын айтты. Бұл туралы «ҚазАқпарат» ақпарат агенттігі хабарлады.
Ол бүгінгі таңда Қазақстанда 4G технологиясы танымал болып табылатынын, бірақ 5G қолданылатын жиілік спектрі бойынша жұмыс жүргізіліп жатқанын хабарлады.
Сонымен қатар Есекеев республиканың үш қаласында, атап айтқанда, Нұр-Сұлтан, Алматы және Шымкент қалаларында 5G жоғары жылдамдықты интернеттің тестілік аймақтары орнатылғанын атап өтті.
Сондай-ақ, «Қазақтелеком» басшысы 5G технологиясына қаражат бюджеттен бөлінбейтінін, оны енгізу байланыс операторларының есебінен жүргізілетінін айтты.
«Қазақтелеком» басшысының сөзін Қазақстан Сандық даму министрі Асқар Жұмағалиев растады. Ол шын мәнінде, Қазақстанда 5G технологиясын енгізуге бюджеттен қаражат бөлу жоспарланбағанын, себебі телекоммуникация желілерін өрістету байланыс операторлары есебінен жүзеге асырылуы тиіс екенін мәлімдеді.
Сурет: itnews.com.ua
