35 531 адам, оның ішінде 1 528 қазақ Қазақстаннан басқа елдерге үстіміздегі жылдың қаңтар-қазан айларында кетті, 2017 жылдың осы кезеңінде ҚР-дан 31 666 адам кеткен, деп хабарлады ҚР Ұлттық экономика министрлігінің статистика комитеті.
Ұсынылған ақпаратқа сәйкес, ҚР-дан кеткендердің жалпы санынан ТМД елдеріне 32 204 адам (2017 жылдың осы кезеңінде 28 414 адам), басқа елдерге — 3 327 адам (2 252 адам) кетті. 2018 жылғы қаңтар-қазанда жекелеген этникалық топтар бойынша сыртқы көші – қон төмендегідей болды: орыстар – 72,6% (2017 жылғы осы кезеңінде 72,5%), немістер – 7,3% (8,3%), украиндар – 6,6% (6,6%), қазақтар – 4,3% (3,7%), татарлар – 2,3% (2,5%), өзбектер – 0,4% (0,3%), басқалары-6,5% (6%).
Осылайша, қазақтар республикадан кетушілер қарқынына қосылды: ағымдағы жылдың қаңтар-қазан айларында, өткен жылдың осы кезеңімен салыстырғанда 1 528 адам кетті. Алайда, абсолюттік сандарда қазақтар кетушілер арасында, әзірше, украиндықтардан кейін төртінші орында тұр.
Бірақ Қазақстанға келушілердің ішінде қазақтар бірінші орында – 53,3% (бұрын 58,5%), орыстар – 23,5% (20,9%), украиндар – 2,9% (2,5%), өзбектер – 2,3% (2,1%), татарлар – 1,2% (1,2%), немістер – 1,6% (1,5%), басқалары – 15,2% (13,4%). Қаңтар-қазанда республикаға барлығы 10 346 адам (бір жыл бұрын 13 374 адам) келді, оның ішінде ТМД-дан 8 108 адам және басқа елдерден 2 238 адам келді. Осылайша, 10 айдың қорытындысы бойынша көші-қон айрмасы теріс болды – минус 25 185 адам.
Сулет: kursiv.kz
