Бүгін Үкіметте өткен брифингте Ұлттық экономика вице-министрі Ермек Алпысов қазынадан Қазақстан ауылдарын дамытуға 30 миллиард теңге бөлінетінін мәлімдеді.
Қаражат ауыл тұрғындарының өмірін жақсарту және ол үшін білікті мамандарды тарту үшін пайдаланылатын болады.
Сондай-ақ, ақша “Дипломмен ауылға” бағдарламасы бойынша тұрғын үй несиелерін беруге жұмсалады.
“Биылғы жылдың 1 маусымына 2 жарым мың ауыл маманы тұрғын үйге несие алды. Айта кету керек, тұрғын үй Алматы, Қызылорда, Батыс Қазақстан және Түркістан облыстарында сатып алынды. Жалпы бағдарламаға білім беру, әлеуметтік қамтамасыз ету, денсаулық сақтау, ветеринария, мәдениет, спорт және агроөнеркәсіптік кешен мамандықтары бойынша жоғары оқу орындарын бітірген студенттер қатыса алады. Түлектер ауылдарда мамандығы бойынша кемінде үш жыл жұмыс істеуі тиіс”, – деп атап өтті Алпысов.
Сурет: 716.kz
