Қазақстан президенті Қасым-Жомарт Тоқаев жаңа сауда және интеграция министрін тағайындады. Енді бұл қызметті Бақыт Сұлтанов атқарады. Бұл туралы Қазақстан президентінің баспасөз қызметі хабарлады.
«Бақыт Тұрлыханұлы Сұлтанов Қазақстан Республикасының сауда және интеграция министрі болып тағайындалсын», – деді Қасым-Жомарт Тоқаев өз жарлығында.
Бақыт Сұлтанов 1971 жылы туған. Ол Қазақ ұлттық техникалық университетін «инженер-электрик» мамандығы бойынша, сондай-ақ Қазақ мемлекеттік басқару академиясын «экономист» мамандығы бойынша бітірген.
Бақыт Сұлтанов еңбек жолын 1994 жылы Қазақстан Қаржы министрлігінде экономист болып бастады. Өзінің барлық еңбек қызметінде,негізінен,басшылық лауазымдар атқарды.
2018 жылдың 11 қыркүйегінен бастап 2019 жылдың 13 маусымына дейін Бақыт Сұлтанов Қазақстан астанасының әкімі қызметін атқарды.
Сурет: tengrinews.kz
