Үкімет басшысы Асқар Мамин Нұр-Сұлтан қаласындағы ұлттық ғылыми онкологиялық орталығының кезеңдік құрылысын тексерді. Бұл туралы ҚР премьер-Министрінің баспасөз қызметі хабарлады.
Премьер-министр өзінің жұмыс сапарында орталықтың құрылысы бойынша жол картасының іске асырылу барысы туралы хабардар болды. Сондай-ақ Асқар Мамин ғимараттың жобалау схемасымен танысты.
Үкімет басшысының айтуынша, орталықта қатерлі ісік ауруларын диагностикалау мен емдеудің озық технологиялары енгізіледі.
Қазіргі уақытта уақытша ғимараттар мен құрылыстар салынуда, сондай-ақ нысан аумағында қолданыстағы әкімшілік-тұрмыстық ғимараттарды бұзу жұмыстары жүргізілуде.
Сонымен қатар, Премьер-министр сапары барысында жаңа ғылыми онкологиялық орталық салу үшін Назарбаев Университетінен жер телімін республика меншігіне беру мәселесін қарады.
