Ұлттық қауіпсіздік комитетінің қызметкерлері арнайы операция барысында Қазақстан астанасында қылмыстық топтың жолын кесті. Бұл туралы ҰҚК-ның Нұр-Сұлтан қаласы бойынша баспасөз қызметі жазды.
Қылмыстық топ жүйелі түрде кәсіпкерлердің өмірі мен денсаулығына зиян келтіру қатері арқылы ақша бопсалаумен айналысты.
Нұр-Сұлтанда арнайы операция жасалып, қылмыстық топтың көшбасшысы мен мүшелері ұсталды. Олар кәсіпкерден автокөлігін қорқытып алып жатқан үстінде ұсталды.
Ұлттық қауіпсіздік комитеті қызметкерлері ұсталған кезде қылмыскерлерден “Макаров” әскери тапаншасы мен травматикалық қару тәркіледі.
Қазіргі ұсталғандар уақытша ұстау изоляторында. Қылмыскерлерге қатысты сотқа дейінгі тергеу жүргізілуде.
Сурет: Inform.kz
