Елордалық полиция департаментінің қызметкерлері 2019 жылы қаладағы қылмыс көрсеткіші төмендегенін хабарлады.
“Жыл басынан бері барлық бағыт бойынша қылмыс саны 19%-ға (қарақшылық- 60%, кісі өлтіру-47%, тонау- 21%, зорлау-8,6 %, ұрлық- 24,7%, бұзақылық-51%) төмендеді”, – деп хабарлады департамент өкілдері.
Полицейлердің ақпаратына қарағанда, Нұр-Сұлтанда қоғамдық орындарда мас күйінде жасөспірімдер жасайтын қылмыстар саны азайды.
Елордалық полиция департаментінде қылмыс деңгейінің төмендеуі қалалық полиция қызметкерлерінің жалпы санының 50%-ға жуығын құрайтын жаяу нарядтардың жетістігі деп есептейді.
Сондай-ақ, учаскелік инспекторлар ПИК өкілдерімен бірлесіп, “Қауіпсіз аула” жедел алдын алу іс-шарасы аясында тұрғын үй кешендерінің аулаларында тұрғындарымен кездесулер өткізеді.
“Алдымен жедел алдын алу іс-шарасы ұйымдастырылып, аулаларда 41 қабылдау өткізілді, оның барысында 246 азамат келіп, 287 өтініш түсті. Барлық өтініштер бойынша полиция қызметкерлері әрекет ету шараларын қолданды, 113 адам әкімшілік жауапкершілікке тартылды, құзыретті мемлекеттік органдарға 39 хабарлама жіберілді”, – деп толықтырды полиция департаменті.
