Қазақстан Министрлер Кабинеті Нұр-Сұлтан мен Ашхабадта біздің республикамыздың және Түрікменстанның мәдени орталықтарын құруды көздейтін келісім жобасын мақұлдады. Бұл туралы «ҚазТАГ» ақпарат агенттігі хабарлады.
Екі елдің үкіметтері арасындағы келісім жобасына сәйкес, Қазақстан мен Түрікменстан өз астаналарында мәдени орталықтардың ашылуына және жұмысына бір-біріне көмек көрсететін болады.
Келісім жобасында көрсетілгендей, бұл орталықтардың қызметі Қазақстан мен Түрікменстан заңдарына қайшы келмеуі тиіс.
Сондай-ақ, Нұр-Сұлтан мен Ашхабадта ашылуы жоспарланып отырған мәдени орталықтарға Орталық Азиялық екі елдің заңнамаларында тыйым салынған діни және өзге де қызметті жүргізуге болмайды.
Бұл келісім Қазақстан мен Түркіменстан арасындағы мәдениет пен тілдер саласындағы қатынастар мен ынтымақтастықты дамытуға бағытталған.
Құжаттың тағы бір мақсаты екі ел арасындағы мәдениет саласындағы келісімдер мен мәдени ынтымақтастық саласындағы хаттамаларды іске асыруды қолдау болып табылады.
Сурет: 24tv.ua
