Сирияға қатысты мәселелер талқыланатын кезекті кездесу ағымдағы жылдың 1 және 2 тамызында Қазақстан астанасында өтеді. Бұл туралы Ресей Федерациясы Президентінің Таяу Шығыс пен Африка елдері бойынша арнайы өкілі Михаил Богданов хабарлады.
“Кездесу күні анықталды және ол бойынша осы отырысқа қатыса алатын барлық мүдделі тараптармен келісімге қол жеткізілді, және бұл 1-2 тамызда Нұр-Сұлтандағы кездесу”, – деді Богданов.
Арнайы өкіл атап өткендей, Түркия аумағында өтуі тиіс Ресей, Түркия және Иран үшжақты саммиті Нұр сұлтанмен кездесуден кейін өтеді.
“Тамыз айының басында Сирия бойынша Астана форматындағы кезекті, он екінші, халықаралық кездесу болады. Белгілі бір инновация бар, себебі алғаш рет Ливан мен Ирак өкілдері бақылаушы ретінде қатысатын болады”, – деді Богданов.
