Нұр-Сұлтанда диалогтік алаң өтті.Онда сарапшылар мемлекеттік органдардың азаматтық қоғаммен жұмысының тиімділігіне қатысты мәселелерді қарастырды.
“Қазақстанның Азаматтық альянсы” заңды тұлғалар бірлестігінің президенті Асылбек Қожахметов сұхбат алаңында сөйлеген сөзінде мемлекет басшысы Қасым-Жомарт Тоқаев өз жолдауында еліміздің азаматтарының өтініштері мен шағымдарына ашық және жедел көңіл бөлудің маңыздылығын ерекше атап өткенін айтты.
“Қазіргі уақытта елімізде азаматтық қоғам институттарымен өзара іс-қимыл бойынша 354 уәкілетті лауазымды тұлға жұмыс істейді. Оның ішінде 19-ОМО, 335 – ЖАО. Барлығыңыз байқағанындай, қазір митингтердің толқыны артып келеді. Менің ойымша, бұл белсенді және жауапты азаматтық қоғамның көрсеткіші. Митингтерден қорықпау керек. Бізге халықпен сөйлесіп, өзара іс – қимыл жасай алатын шенеуніктер қажет”, – деді Қожахметов.
Диалог алаңының аясында сарапшылар мемлекеттік органдардың азаматтық қоғаммен жұмысының тиімділігі мәселелерін талқылады және уәкілдер институтын одан әрі дамыту бойынша пікірлерімен және ұсыныстармен алмасты.
Бұл іс-шараны ақпарат және қоғамдық даму министрлігі ұйымдастырды. Қазір ведомство қоғамдық кеңестердің қызметі мәселелері бойынша заңнаманы жетілдіруге бағытталған түрлі іс-шаралар өткізуде.
Сурет: inform.kz
