“Қарасора 2020” жедел алдын алу іс-шарасы аясында арнайы операция жүргізілді, соның нәтижесінде “тұрақты арна” жойылды, сондай — ақ Астана аумағына есірткі құралдарын жеткізуді және өткізуді ұйымдастырған қылмыстық топтың қызметіне жол берілмеді,-деді Нұр-сұлтан қаласы ПД есірткі қылмысына қарсы іс-қимыл басқармасының бастығы полиция полковнигі Олжас Жарылғапов.
Елорда аумағында есірткі сатуға әрекет жасаған кезде бұрын есірткі қылмысы үшін сотталған 27 жастағы күдікті ұсталды, оның автокөлігін тінту кезінде жалпы салмағы 500 грамнан асатын “гашиш” салынған оралған сіріңке қораптары тәркіленді. Сондай-ақ, автокөлік салонында бұрын сотталған 24 жастағы азамат болған, одан жеке тінту кезінде “гашиш”тәркіленген.
Сондай-ақ елордаға есірткінің негізгі жеткізушісі болған серіктес ұсталды. Ол бұрын сотталған, 34 жастағы Жамбыл облысының тумасы екен. Оның пәтерін тінту барысында оқ-дәрілері бар тіркелмеген травматикалық қару, есірткі заттарының қабаты бар электронды таразы және есірткіні қолдануға арналған 5 құрал тәркіленді. Екі миллион жүз елу мың теңге сомасында ақша қаражаты, “гашиш” салынған 3 полиэтилен пакеті және өткізуге дайын 265 оралған есірткі салынған сіріңке қораптары табылды, – деп қалалық ПД хабарлады.
Жүргізілген арнайы операцияның нәтижесінде заңсыз айналымнан 6 килограмнан астам немесе 3000 – нан астам бір реттік “гашиш”дозасы алынды. Олардың бағасы “қара нарықта” бөлшек саудадан шамамен 9 млн теңгені құрайды.
Қылмыстық істі тергеу шеңберінде елордаға есірткі жеткізудің қылмыстық тізбегінің басқа да қатысушыларын анықтау бойынша жедел іздестіру іс-шаралары жүргізілуде.
Есірткі қылмыстарына қатысқан ұсталған адамдардың іс-әрекеттері ҚР ҚК 4-бөлімінің 296-бабы және ҚР ҚК 3-бабының 297-бабы бойынша қылмыстық жауаптылықпен қарастырылады, бұл 7 жылдан 25 жылға дейінгі мерзімге бас бостандығынан айыруға әкеп соғады.
Ұсталғандардың барлығы Нұр-сұлтан қаласы ПД УҰИ-не қамалып, тергеу амалдары жүргізілуде.
Сурет: zakon.kz
