Нұр-Сұлтанда байланыс саласындағы Өңірлік достастықтың байланыс әкімшіліктері басшылары кеңесінің 55-ші отырысы және ТМД елдерінің ақпараттандыру жөніндегі үйлестіру кеңесінің 25-ші отырысы өтуде, деп хабарлайды ҚР цифрлық даму, инновация және аэроғарыш өнеркәсібі министрлігінің баспасөз қызметі.
ҚР цифрлық даму министрлігінің ақпараты бойынша, отырысқа 13 мемлекеттің делегациясы, байланыс саласындағы өңірлік достастықтың байланыс әкімшіліктері басшылары кеңесінің төрағасы, Ресейдің цифрлық даму, байланыс және бұқаралық коммуникация министрі Константин Носков, халықаралық электр байланысы одағының басшысы Хоулинь Чжао және дүниежүзілік пошта одағының басшысы Бишар Хуссейн, сондай-ақ ТМД атқарушы комитетінің өкілдері қатысуда.
Отырыс басында Қазақстанның цифрлық даму министрі Асқар Жұмағалиев барлық жиналғандарды құттықтады және мұндай кездесулер сандық даму тұрғысынан «сағаттарды салыстыруға» және синергия әсеріне қол жеткізу үшін бірлескен жобаларды әзірлеуге көмектесетінін айтты.
«10 жыл бұрын осындай кездесулердің бірінде Сіздермен 3G және 4G енгізу перспективаларын талқыладық, ал бүгін бізде күн тәртібінде мүлде басқа мәселелер тұр. Қазір біздерге кеңірек ойлау және жалпы экономиканың сандық трансформациясы туралы айту маңызды. Өйткені онсыз әрі қарай даму мүмкін емес», — деді Жұмағалиев.
