Бүгін қала әкімі Бақыт Сұлтановтың Astana Art Show кураторы Дина Байтасовамен және Racing the Galaxy халықаралық көрмесінің жетекшісі Жером Санспен кездесуі өтті,деп хабарлайды Нұр-Сұлтан әкімінің баспасөз қызметі.
Кездесу барысында Қазақстан астанасының әкімі заманауи суретшілер форумын өткізуге көмек көрсететінін мәлімдеді.
Көрме Нұр-Сұлтан қаласында, Тәуелсіздік, Бейбітшілік және келісім сарайларында өтеді.
Көрмені ұйымдастырумен Нұр-Сұлтан қаласының әкімдігі TSE Art Destination заманауи өнер галереясы бірлесіп айналысуда.
Сондай-ақ заманауи өнер фестивалінде “бірінші байланыс” атты жастар көрмесі және Racing the Galaxy халықаралық көрме өтеді.
“Бұл жоба екінші жыл жұмыс істейді. Біздің басты мақсатымыз – қазіргі заманғы өнер өкілдері, дарынды суретшілерді бір алаңда жинау. Astana Art Show 2019-дың бас негіздемесі – барлық суретшілерге тән номадизм мен еркіндік рухы”, – деді Дина Байтасова.
“Бірінші байланыс” жастар көрмесі 2 маусымда басталып, 10 тамызға дейін жалғасады, ал Racing the Galaxy халықаралық көрмесі 4 шілдеде ашылып,10 тамызға дейін жалғасады.
Сурет: Aistgallery.com
