Осы жылдың 9-11 қазан аралығында Нұр-Сұлтан қаласында «Ақылды қалалар – ақылды қашықтықтар» қалалық туризм мәселелері бойынша сегізінші жаһандық саммит өтеді. Бұл туралы астаналық әкімдіктің баспасөз қызметі хабарлады.
Ауқымды іс-шараны Қазақстан астанасының әкімдігі мен БҰҰ-UNWTO дүниежүзілік туристік ұйымы ұйымдастырды.
Саммит барысында тұрақты даму, қалалық басқару, инновациялар мен технологиялар мәселелері қаралады деп жоспарлануда.
Сонымен қатар, ауқымды іс-шараға қатысушылар туризмді тұрақты және инклюзивтік қалаларды дамытуға елеулі үлес қосатын құрал ретінде қаланың неғұрлым кең күн тәртібіне енгізу мәселелерін талқылайды деп күтілуде.
Сондай-ақ саммит аясында тақырыптық панельдік сессиялар, дөңгелек үстелдер,жұмыс топтарының отырыстары өтеді. Сонымен қатар, ЮНТВО Академиясы мен конгрестер мен конференциялардың халықаралық қауымдастығы өкілдерінің қатысуымен шеберлік сыныптары өтеді.
Елорда әкімдігінің хабарлауынша, жаһандық саммитке әлемнің 30 елінен 700-ден астам делегат қатысады.
