Роскосмос өкілдері Қазақстанның Байқоңыр ғарыш айлағында “ДМ-03” екпіндеткіш блогы мен ресейлік № 3 “Электро-Л” метеорологиялық спутнигі бар “Протон-М” зымыран-тасығышы орнатылғанын хабарлады.
Бұл туралы “ҚазАқпарат” ХАА хабарлайды.
Бүгінгі күні ұшыруға қатысты барлық жұмыстар белгіленген кестеге сәйкес өтуде. Бірнеше күн бойы ресейлік зымыран-ғарыш саласы мамандарына ғарыш аппаратына, зымыран-тасығышқа, екпіндеткішке міндетті тексеру жұмыстарын жүргізу қажет.
Ағымдағы жылдың 23 желтоқсанында техникалық басшылықтың отырысы өтеді, онда ғарыштық мақсаттағы зымыран жүйелерін сынау нәтижелеріне байланысты мәселелер қаралатын болады.
Роскосмос өкілдерінің ақпараты бойынша, биылғы жылы соңғы рет Қазақстанның Байқоңыр ғарыш айлағынан 24 желтоқсанда Қазақстан астанасы уақыты бойынша 18 сағат 03 минутта ұшырылады.
