Қазақстанда шығарылған төрт дана радиолокациялық станциялар жақын арада Қазақстан Республикасы армиясының қарулануына түседі. Бұл туралы еліміздің Қорғаныс министрлігінің баспасөз бөлімінде айтылды.
Бұл әскери техника “Қазақстан инжиниринг” компаниясының құрамына кіретін “Гранит-Талес Электроникс”отандық кәсіпорнында өндірілді. “Нұр” радиолокациялық станциясы өткен жылы біздің армиямыздың қарулануына қабылданды. Пайдалану нәтижелері бойынша ол әуе шабуылына қарсы қорғаныс әскерлері мамандарының жақсы пікірлерін алды.
Жақын арада жаңа РЛС Қазақстанның түрлі өңірлерінде әуе кеңістігін барлау және бақылау бойынша тәулік бойы кезекшілікке қоюға ниетті.
Қорғаныс министрлігі қабырғасында өткен аппараттық кеңес барысында еліміздің Қарулы Күштерінің қысқы кезеңге дайындық қорытындылары, сондай-ақ жауынгерлік оқу барысы қаралды.
Ағымдағы аптада басталған әскерлерді қорытынды тексеру жеке құрамның 100 пайызын қамтиды. Қарулы Күштер түрлері бас қолбасшыларының, өңірлік қолбасшылықтар әскерлері қолбасшыларының, сондай-ақ әскер тектерінің алдына әскери міндеттерден сынақтар мен нормативтерді қабылдау жөніндегі комиссиялардың объективті қызметін ұйымдастыруға қатысты міндеттер қойылды.
Коронавирустық инфекция эпидемиясына қатысты кейбір шектеулерге қарамастан, биыл жауынгерлік оқу шаралары толығымен орындалды. 2020 жылдың басынан бері екі жүзден астам тактикалық оқу-жаттығулар мен жиырма мыңнан астам жауынгерлік оқ атулар өткізілді.
Сурет: ru.sputnik.kz
