“Сандық армия” бағдарламасы аясында республикамыздың әскери бөлімдері автоматтандырылған басқару жүйелері бар заманауи далалық кешендер алды. Бұл туралы zakon.kz ақпарат агенттігі жазады.
Осы кешенді жабдық Қарулы Күштердің басқару пункттеріне автоматтандырылған және автоматтандырылмаған режимдерде ақпаратты жинауға, өңдеуге, сақтауға және таратуға мүмкіндік береді.
Осының арқасында қазақстандық қолбасшылар әскерлерді басқару процесінде жедел шешім қабылдай алады.
Жаңа кешеннің ерекшелігі – оларды инфрақұрылымы жоқ жерлерде де орналастыруға болады.
Жабдықтың өзі отандық өндіріс болып табылады. Ол тасымалдау және сақтау үшін соққыға төзімді ыңғайлы кейстерге жинақталған.
Қазіргі уақытта әскери қызметшілер жаңа жабдықтарды тексеріп, далалық кешендердің бағдарламалық қамтамасыз етілуін сынақтан өткізумен айналысуда.
Жақын арада біздің мемлекетіміздің Қарулы Күштерінің әрбір командалық пунктінде автоматтандырылған басқару жүйелерімен жарақтандырылған кешендер болады деп жоспарлануда.
Сонымен қатар, Қазақстанның Қарулы Күштерінде қыркүйек айында басталып, осы жылдың желтоқсанына дейін жалғасатын әскери міндетті азаматтарды күзгі шақыруға дайындық жүргізілуде.
Сурет: zakon.kz
