Ағымдағы жылдың ақпан айынан бастап ғылыми және сараптамалық қауымдастық өкілдері белгілі ғалымдармен байланыс орната алмауда.
Қазақстанның 50-ден астам ғалымдары мен сарапшылары Республика Президенті Қасым-Жомарт Тоқаевқа өз өтінішін жолдады.
Бұл үндеуді “Фейсбук” аккаунтында “Альтернатива” өзекті зерттеулер орталығының директоры, саяси ғылымдарының кандидаты Андрей Чеботарев жариялады.
Ғалымдар 3-5 мамыр күндері БАҚ-та белгілі қазақстандық ғалым Константин Львович Сыроежкинді тыңшылық жасады деген айыппен ҚР арнайы қызметтері ұстағанын хабарлады.
Әріптестер-ғалымдар ағымдағы жылдың ақпан айынан бастап ғылыми қайраткермен байланыса алмай алаңдаушылық білдірді.
Ғалымдар Президенттен Сыроежкинді оның құрметті жасын,денсаулығының ауыр жағдайын ескере отырып, босатуға көмектесуді сұрайды.
Немесе оған қатысты бұлтартпау шарасын өзгертуді өтінеді. Желіге жіберілген өтініштіің астында 55 адам, Қазақстан ғылымының белгілі өкілдері, қол қойған.
Бұл үндеуді біз бастапқы түрде жариялаймыз:
Қазақстанның ғылыми және сараптамалық қауымдастығы өкілдерінің үндеуі.
2019 жылғы 3-5 мамырда бірқатар қазақстандық және шетелдік бұқаралық ақпарат құралдары Қазақстанның арнайы қызметтері белгілі қазақстандық ғалым, қытайтану саласындағы жетекші маман, саяси ғылымдар докторы Константин Львович Сыроежкинді тыңшы деп айыптағаны туралы хабарланған материалдарды жариялады. Бұл ақпаратты осы жылдың ақпан айынан онымен байланыса алмаған әріптестері мен журналистер жанама растайды.
Осыған байланысты біз, Қазақстанның ғылыми және сараптамалық қауымдастығының өкілдері әріптесіміздің жағдайына алаңдаушылық білдіреміз.
Константин Львович Сыроежкин 30 жылдан астам уақыт еліміздің ғылыми және зерттеу құрылымдарында, соның ішінде Президент Әкімшілігінің, Қауіпсіздік Кеңесінің және Қазақстан Республикасы Сыртқы істер министрлігінің қызметін тікелей сараптамалық сүйемелдеуді қамтамасыз ететін институттарда жұмыс істеген Қазақстанның көрнекті кәсіпкері, талантты ғалым және патриоты ретінде танымал. Оның ғалым ретінде беделі, адалдығы пен парасаттылығы бізде күмән тудырмайды.
Біздің алаңдаушылығымыз К. Л. Сыроежкин соңғы жылдары бірқатар ауыр ауруларды басынан кешкен. Осыған байланысты оның ұзақ уақыт бойы қамауда болуы оның денсаулығына елеулі зиян келтіруі мүмкін.
Сондай-ақ, Константин Львович Сыроежкин туралы қандай да бір мәліметтердің екі айдан астам уақыт бойы болмауы және масс-медиада оның “шпионажға” қатыстылығы туралы ресми расталмаған ақпараттың пайда болуы біздің еліміздің елеулі беделін түсіру мүмкіндігін туғызады деп есептейміз.
Біріншіден, профессор Сыроежкин тек Қазақстанда ғана емес, шетелдік дипломатиялық, ғылыми және медиялық топтар арасында да танымал және беделді. Осыған байланысты оның төңірегіндегі қаралып отырған дағдарысты жағдай Қазақстанның сыртқы саяси имиджіне елеулі залал келтіруі мүмкін.
Екіншіден, оның қызметтік тізімін және елдің негізгі мемлекеттік институттарда ғылыми-талдамалық қызметтерді қамтамасыз етуге қатысуын ескере отырып, бұл жағдай Қазақстанның мемлекет билгі мен басқару жүйесі үшін, әсіресе президенттік сайлау қарсаңында теріс көзқарас туғызады,
Төртіншіден, әлеуметтік желілерде және онлайн басылымдардағы жарияланымдарға пікірлерде К. Л. Сыроежкин жағдайы төңірегінде қазірдің өзінде шпиономания атмосферасының және этносаралық араздықтың өршу белгілері байқалады.
Өз кезегінде, бұл елдегі ішкі саяси тұрақтылық пен этносаралық келісімді қамтамасыз ету процестеріне теріс әсер етеді.
Осыны ескере отырып, біз Сізден:
1. Тиісті мемлекеттік органдарға Константин Львович Сыроежкинге тағылған айыптың сипатын көрсете отырып ұстау жағдайын жария түрде түсіндіру тапсырылсын.
2. Осы ақпарат расталған жағдайда К. Л. Сыроежкинге қатысты істі тергеуді жеке бақылауға алу және оны объективті және мүмкіндігінше ашық негізде жүргізу үшін қажетті шаралар қабылдау.
3. Біздің әріптесіміздің жасы мен денсаулығының қиын жағдайын ескере отырып, оған қатысты тиісті органдар таңдаған бұлтартпау шарасын үйде қамауда ұстауға ауыстыру.
Осы жағдай Сіздің назарыңызда болып,оның заңды және әділ шешілуіне үлес қосатыныңызға үміттенеміз.
Болат Сұлтанов, тарих ғылымдарының докторы,
Ляйля Иватова, саяси ғылымдарының докторы, профессор
Досым Сәтбаев, саяси ғылымдарының кандидаты
Гүлнәр Насимова, саяси ғылымдарының докторы, профессор,
Асқар Нұрша, тарих ғылымдарының кандидаты,
Ғалия Мовкебаева, тарих ғылымдарының докторы, профессор,
Антон Морозов, саяси ғылымдарының кандидаты,
Құралай Байзақова, тарих ғылымдарының докторы, профессор,
Еркін Байдаров, шығыстанушы, философия ғылымдарының кандидаты,
Фатима Көкеева, тарих ғылымдарының докторы, профессор,
Рустам Бурнашев, философия ғылымдарының кандидаты,
Мара Губайдуллина, тарих ғылымдарының докторы, профессор,
Асылбек Бисенбаев, тарих ғылымдарының кандидаты, доцент,
Елена Нечаева, саяси ғылымдарының кандидаты, профессор,
Наталья Калашникова, саяси ғылымдарының докторы,
Лейла Мұзапарова, экономика ғылымдарының кандидаты,
Марина Онучко, саяси ғылымдарының кандидаты,
Таисия Мармонтова, тарих ғылымдарының кандидаты,
Жұлдызай Искакова, саясаттану магистрі,
Замир Қаражанов, саясаттанушы,
Данияр Әшімбаев, Қазақстан биографиялық энциклопедиясының бас редакторы,
Елена Садовская, философия ғылымдарының кандидаты,
Лайла Ахметова, тарих ғылымдарының докторы,
Бурихан Нұрмұхамедов, Ұлттық зерттеулер институтының директоры,
Бэла Сырлыбаева, экономика ғылымдарының кандидаты,
Александр Князев, тарих ғылымдарының докторы,
Кусаинова Лаззат, заң ғылымдарының кандидаты, саясаттану магистрі,
Жанна Тулиндинова, журналист,
Эдуард Полетаев, саясаттанушы,
Жұлдыз Алматбаева, “Кипр” талдау тобының сарапшысы”,
Әсел Өскенова, экономика ғылымдарының докторы,
Ольга Закржевская, тарих ғылымдарының докторы,
Бақытжамал Бектұрғанова, әлеуметтанушылар мен саясаттанушылар қауымдастығының президенті,
Сәуле Әлиева, тарих ғылымдарының кандидаты,
Фатима Жандосова, әлеуметтанушы,
Айгүл Омарова, саясаттанушы,
Бақытгүл Тұрабекова, саяси ғылымдарының кандидаты,
Гүлнара Мухатаева, саясаттану және саяси технологиялар кафедрасының докторанты әл-Фараби,
Марина Михтаева, журналист,
Битабарова Асель, саяси ғылымдарының кандидаты PhD,
Владислав Юрицын, журналист,
Елена Дудка, журналист,
Дәурен Әбен, Еуразия ғылыми-зерттеу институтының аға ғылыми қызметкері,
Владимир Павленко, PR саласындағы маман, “қолданбалы коммуникациялардың шығармашылық шеберханасы” жобасының үйлестірушісі,
Хайдар Қапанов, “Батыс Analytics” ғылыми орталығының директоры, философия ғылымдарының кандидаты.
Сурет: Static.zakon.kz
