Көлік прокуратурасының қызметкерлері Қытайдан біздің республикаға контрабанда әкелудің жолын кесті. Бұл туралы қазақстандық қадағалау органының баспасөз қызметі хабарлады.
Атап айтқанда, «D» ЖШС Қазақстанға Қытайдан 160 тоннаға жуық көлік құралдарының қосалқы бөлшектерін жалған декларациялау арқылы өткізуге тырысты. Қытай өнімінің жалпы сомасы 200 миллион теңгені құрады.
Бұл фактіні көліктік қадағалау органы тіркеген және кейін материалдар Алматы Экономикалық тергеу департаментіне жіберілді.
Осыған байланысты Қазақстан Қылмыстық кодексінің 234 — бабының 2-бөлігі-аса ірі мөлшердегі экономикалық контрабанда бойынша сотқа дейінгі тергеу жүргізілді.
Тергеу аяқталған соң, істі қарау жөніндегі сот отырысы өтіп, нәтижесінде компания қызметкері қылмыс жасағаны үшін кінәлі деп танылып, 3,9 миллион теңге көлемінде айыппұл салынды.
Сурет: zakon.kz
