19 наурызда Қазақстан Республикасының аумағына ҚХР, Шри-Ланка, Мальдив Республикасы, БАӘ, Египет, Түркия, Грузия, Ресей Федерациясы, Беларусь Республикасы, Өзбекстан және Қырғызстаннан 32 халықаралық әуе рейсі келді. Бұл туралы «ҚазАқпарат» ХАА, санитарлық-эпидемиологиялық бақылау комитетіне сілтеме жасап хабарлайды.
4 733 авиажолаушының 4321-інде ПТР-тестілеудің теріс нәтижесі бар анықтамалар болды, ҚР-ға 412 азамат анықтамасыз кірді. Оның ішінде: Алматы қаласының әуежайына – 16 рейс, 2 377 жолаушы, анықтамасы бар — 2 110, анықтамасыз — 267; Нұр-Сұлтан қаласының әуежайына – 8 рейс, 1 301 жолаушы, анықтамасы бар — 1241, анықтамасыз — 60; Шымкент қаласының әуежайына – 5 рейс, 797 жолаушы келді, барлығы анықтамамен; Ақтау қаласының әуежайына – 1 рейс, 7 жолаушы келді, барлығы анықтамамен; Атырау қаласының әуежайына – 1 рейс, 130 жолаушы, анықтамасы бар— 67, анықтамасыз – 63; Орал қаласының әуежайына — 1 рейс, 121 жолаушы, анықтамамен — 99, анықтамасыз — 22. Анықтамасыз келген Қазақстан азаматтары ПЦР-талдау әдісімен COVID-19-ға тестіленді және карантиндік стационарда өз нәтижелерін күтуде. ПЦР-талдау нәтижелері бойынша, 18 наурызда келген ҚР 357 азаматына тест теріс нәтиже көрсетті.
