Қазақстан басшысы Қасым-Жомарт Тоқаев Ұлттық қоғамдық сенім Кеңесінің мүшесі Рауан Кенжеханұлымен кездесті. Бұл туралы мемлекет басшысының баспасөз қызметі хабарлады.
Кездесу басында Президентке қазақ ақыны және ойшылы Абай Құнанбаевтың шығармаларын он тілге аудару туралы тапсырманың орындалу барысы баяндалды.
Бұл жұмыс Құнанбаевтың 175 жылдығына арналған мерекелік іс-шаралар аясында жүргізілуде.
Сонымен қатар, Кенжеханұлы республикамыздың көшбасшысын «Рухани жаңғыру» бағдарламасы аясында жүзден астам оқулықты қазақ тіліне аудару үдерісімен таныстырды.
Ұлттық Кеңес мүшесінің айтуынша, жыл соңына дейін бұл жұмыс аяқталады.
Сондай-ақ, кездесу аясында Тоқаев пен Кенжеханұлы балалар арасында суицидтің алдын алу және отандық білім берудің онлайн-платформасын дамыту мәселелерін талқылады.
Кездесу соңында Қасым-Жомарт Тоқаев Ұлттық Кеңес мүшесімен әңгімелесу барысында қозғалған мәселелер маңызды болып табылатынын, сондықтан оларды мүдделі билік органдар үкіметтік емес ұйымдар өкілдерімен пысықтауы тиіс екенін айтты.
Бұған дейін Президент қорғаныс ведомствосының басшысы Нұрлан Ермекбаевпен кездесті, оның барысында Тоқаев біздің әскерді радиациялық және химиялық қорғаудың заманауи құралдарымен жабдықтауды тапсырды.
Сурет: akorda.kz
