Сыбайлас жемқорлыққа қарсы қызмет 2016 жылдан бастап 2019 жылдың мамыр айына дейін қазақстандықтарды ауыз сумен қамтамасыз ету саласында 69 сыбайлас жемқорлық қылмысын тіркеді. Бұл туралы. NV.KZ хабарлады.
Қылмыстық жауапкершілікке 32 адам тартылды, оның ішінде 24 адам сотталды.
Қызметтің мәліметтері бойынша, ауыз су саласындағы құқық бұзушылықтардың жартысын шенеуніктер мемлекеттік сатып алу шарттары бойынша орындалған жұмыс актілеріне жалған қол қою арқылы жасайды.
Көбінесе бюджет қаражатын ұрлау фактілері тіркелді – 25 жағдай, пара алу – 14 жағдай және өкілеттікті асыра пайдалану – 13 жағдай.
Ағымдағы жылдың 14 маусымында Жамбыл облысында “Өркен” ЖШС директоры аса ірі көлемде, жалпы сомасы 706 млн.теңгеге болатын,бюджет қаражатын жымқыру фактісі бойынша алты жылға бас бостандығынан айырылды. Сонымен қатар, сотталушы бас бостандығынан айыру түріндегі жазасын өтеген сәттен бастап, үш жыл мерзімге құрылыс саласында қызмет атқару құқығынан айырылды.
Ол ақша “Тараз химия паркі ” еркін экономикалық аймағының Басқарушы компаниясы” АҚ үшін мемлекеттің 100% қатысу үлесімен магистральды суағар құрылысын салуға арналған.
Келтірілген шығын толығымен орнына келтірілді.
Сурет: News.ivest.ru
