Ауыл шаруашылығы министрлігі басшысының бірінші орынбасары Айдарбек Сапаровтың айтуынша, өткен жылға қарағанда елімізде қалыпсыз ыстықтың салдарынан 15%-ға астық аз жиналады.
Вице-министрдің айтуынша, өткен жылы жалпы астық жинау 20,3 миллион тоннаны құрады,биыл 17 миллион тоннаны құрайды.
“Бұл өткен жылға қарағанда 3 миллионға аз. Шамамен 15% маңында. 1 шілдеден бастап қатты ыстық болғандықтан, әсіресе Қостанай облысының 8 астықты ауданында жанып кетті. Сондықтан да төмен”, – деді Сапаров.
Ауыл шаруашылығы министрінің орынбасары жалпы егіс науқанын белгіленген мерзімде өткізгенін атап өтті.Егіс жұмыстары кезінде барлық технологиялар сақталғанын айтты.
“Үкімет тарапынан қажетті көмектің бәрі көрсетілді, мәселе жоқ.1 шілдеден бастап жауын біраз мәселе тудырды. Осыған байланысты төмендеу болды”, – деп атап өтті Айдарбек Сапаров.
Бүгінгі таңда егін жинау Түркістан және Батыс Қазақстан облыстарында аяқталды. Егін жинау жұмыстарын жүргізу үшін 148 мың трактор мен 38 мың комбайн пайдаланылады.
“Біз қар астында қалдырмауға тырысамыз. Барлық облыстар дайын, техника дайын, адамдар дайын, сондықтан кейбір облыстарда тәулік бойы жұмыс істеп жатыр, онда астықты кептіру элеваторда жүріп жатыр. Қар астында нан қалмайды деп ойлаймын”, – деді вице-министр.
