Бұрынғы Ауыл шаруашылығы министрі, ал қазір Жалпыұлттық социал-демократиялық партияның мүшесі Балташ Тұрсынбаев Қордайдағы жаппай тәртіпсіздік фактісі бойынша ашылған қылмыстық іске қатысты адамдар туралы айтты, деп хабарлайды «ҚазТАГ» ақпараттық ресурсы.
Сотта бұл іс бойынша айыпталушылардың кінәсі дәлелденсе де, оларды бас бостандығынан айыруға болмайды деп мәлімдеді Тұрсынбаев.
«Алдымен бұл тәртіпсіздіктерді кім бастағанын анықтау керек. Егер сотталғандардың арасында дунганға шабуыл жасағандар болса, егер олар кінәлі деп танылса, шартты мерзім берілуі мүмкін. Оларды бас бостандықтарынан айыру керек емес. Ия, олар кінәлі. Бірақ оларды түрмеге жабуға бұл себеп емес. Сондай-ақ, бұл жастар бұрын сотталмағанын да ескеру керек», — деді саясаткер.
Қазақстандық режиссер Еркін Рақышев те осындай пікірде. Ол Тұрсынбаевпен бірге Жамбыл облысының әкімі Бердібек Сапарбаевқа жүгініп, Қордай қақтығысы туралы іске қатысы бар айыпталушыларды түрмеге отырғызбауды, оларға шартты мерзім беруді сұрады.
Сапарбаев өз кезегінде бұл іспен арнайы комиссия айналысып жатқанын, оның мүшелері сотталғандардың туыстарының барлық ұсыныстары мен талаптарын тыңдап, одан әрі тергеуде ескеретінін айтты.
Қордай ауданында осы жылдың 7 ақпанында орын алған бүлікте жазықсыз адамдарды өлтіріп, үй-жайларды өртеп, қауіп-қатер болған қайғылы оқиғалардың нәтижесінде 11 адам қаза тапты.
Сурет: centralasia.media
