Солтүстік Қазақстанда басталған құс тұмауының шығу себебін анықтау бойынша арнайы топты басшысы, ауыл шаруашылығы Вице-министрі Гүлмира Исаева өңірдегі жағдай туралы айтты, деп хабарлайды “ҚазАқпарат” ақпарат ресурсы.
Орталық коммуникациялар қызметінде өткен брифингте сөз сөйлеген Исаева құс тұмауы Солтүстік Қазақстан облысының 8 ауданында тіркелгенін мәлімдеді. Қазір аурудың таралуын болдырмау мақсатында карантиндік режим енгізілді.
Ауыл шаруашылығы министрлігі басшысының орынбасары аймақта құс тұмауының таралуы су қоймалары арқылы жұқтырған жабайы құстан басталғанын атап өтті.
Тұмаудың өршуіне байланысты республика қорынан 1,4 миллион доза вакцина бөлінді. Бұл 4,7 миллион құс басын егуге жеткілікті.
Исаеваның айтуынша, ертең Солтүстік Қазақстанға құс тұмауына қарсы тағы бір миллион мөлшерде вакцина жеткізіледі, бұл 3,5 миллион бас құсты вакциналауға жеткілікті.
Сондай-ақ, брифинг аясында ол қазіргі уақытта аймақта өлген жануарлардың өлексесін жою және аумақтарды дезинфекциялау жұмыстары жалғасып жатқанын хабарлады. Онымен 79 маман айналысуда.
Сурет: 1prof.by
