Қазақстанда фермерлерге көктемгі егіс жұмыстарын жүргізу қажеттігіне байланысты блокпосталар арқылы кедергісіз рұқсатнама берілетін болады.Бұл туралы «Ауылшаруашылық министрлігінің» баспасөз қызметіне сілтеме жасай отырып «ҚазАқпарат» ақпараттық ресурсы хабарлады.
“Президенттің тапсырмасын орындау мақсатында облыс әкімдіктері ауыл шаруашылығы тауарын өндірушілердің, ауыл шаруашылығы техникасының және тауар-материалдық құндылықтарды жеткізушілердің еркін қозғалысын қамтамасыз ету бойынша алгоритмдер әзірледі. Әкімдіктер облыс аумағында жүріп-тұруға рұқсаттама алудың электрондық порталдарын әзірлеп, іске қосты”,-деп Ауыл шаруашылығы министрлігінің баспасөз қызметінен хабарлады.
Рұқсат алу үшін кәсіпорын, көлік қызметкерінің деректері мен оның қозғалу негіздері көрсетілген өтінімді электрондық түрде беру қажет.
“Бұл өтінімге кәсіпорынның басшысы электрондық форматта қол қояды. Өтінім электрондық базаға енгізіледі және автоматты түрде барлық блокпосттарға жеткізіледі және өткізу болып табылады. Көктемгі егіс жұмыстарын уақытылы жүргізудің маңыздылығын ескере отырып, ауыл шаруашылығы тауарларын өндірушілер үшін “жасыл дәліз” қағидаты бойынша жеке оңайлатылған тәртіп орнатуды ұсынамыз”, – деп түсіндірді ведомстводан.
Сондай-ақ, министрлікте блогер Алмасбек Садырбаевтың өтінішіне жауап берді.
“Ауыл шаруашылығы министрінің бірінші орынбасары онымен телефон арқылы әңгіме өткізіп, фактілерді ұсынуды сұрады. Садырбаев нақты фактілер жоқ екенін және оған телефон арқылы жүгінетінін айтты”, – деп қосты АШМ.
Бұған дейін блогер Алмасбек Садырбаев Республика Басшысы Қасым-Жомарт Тоқаевқа бейнежазба түрінде үндеу жолдады. Онда ол Президенттен фермерлерге көктемгі егіс жұмыстарын еркін жүргізу үшін жағдай жасауды сұрады.
Сурет: kazlenta.kz
